မြန်မာကားမောင်းလိုင်စင်ကနေ ဂျပန်ကားမောင်းလိုင်စင်ကိုပြောင်းခြင်း

ဂျပန်မှာ ကားမောင်းချင်တယ်။ ဘယ်လိုလုပ်ရင်ကောင်းမလဲ။

ဂျပန်နိုင်ငံမှာ ကားမောင်းချင်ရင် ဂျပန်ယာဉ်မောင်းလိုင်စင်လိုပါတယ်။ ဒါပေမယ့် မြန်မာနိုင်ငံကထုတ်ပေးတဲ့ အင်တာနေရှင်းနယ်လိုင်စင်ရှိရင်တောင်မှ ဂျပန်နိုင်ငံမှာ ကားမောင်လိုမရဘူး။

ဘာကြောင့်မရသလဲဆိုတော့ မြန်မာနိုင်ငံမှာ ကုန်လမ်းပို့ဆောင်ရေးဆိုင်ရာ ဂျနီဗာကွန်ဗင်းရှင်းအဖွဲ့ဝင် နိုင်ငံမဟုတ်လို့ ဂျပန်နိုင်ငံက မြန်မာနိုင်ငံရဲ့ အင်တာနေရှင်နယ်လိုင်စင်ကို အသိအမှတ်မပြုလို့ ဖြစ်ပါတယ်။

ဒါကြောင့် ဂျပန်နိုင်ငံမှာ ယာဉ်မောင်းလိုင်စင်အသစ်ရယူဖို့လိုအပ်နေတာပါ။

ကားမောင်လိုင်စင်ပြောင်းခြင်း

ဒီပိုစ့်မှာ မြန်မာယာဉ်မောင်းလိုင်စင်ရှိသူများအတွက် ဂျပန်နိုင်ငံမှာ မြန်မာလိုင်စင်ကနေ ဂျပန်လိုင်စင်ကို ဘယ်လိုပြောင်းရမှာလဲကို ရှင်းပြပေးပါမယ်။

လိုအပ်တဲ့စာရွက်စာတမ်းများ

ကားလိုင်စင်ပြောင်းမယ်ဆိုရင် ဘာလိုအပ်သလဲ။

၁) မြန်မာယာဉ်မောင်းလိုင်စင်

– သက်တန်းကျန်ရှိနေသောယာဉ်မောင်းလိုင်စင်ဖြစ်ရမယ်။

– မြန်မာနိုင်ငံမှာ လိုင်စင်ရပြီး ၃ လကျော် မြန်မာနိုင်ငံမှာ နေထိုင်ခဲ့သူဖြစ်ရမယ်။

၂) မြန်မာယာဉ်မောင်းလိုင်စင် ဂျပန်ဘာသာပြန်

– JAFအသင်းမှာ ဘာသာပြန်ရမယ်

၃) ကညနလိုင်စင်ထောက်ခံစာ

၄။ ကညနလိုင်စင်ထောက်ခံစာဘာသာပြန်

– မြန်မာနိုင်ငံမှာ နိုကြီဘာသာပြန်ပြီး နိုင်ငံခြားရေးရုံမှာ ထောက်ခံစာရထားတဲ့ ဘာသာပြန်ဆို ပိုကောင်းပေမယ့် မလုပ်မိဘူးဆိုရင် ဂျပန်နိုင်ငံမှာ ဘာသာပြန်လုပ်ငန်းကို လုပ်ကိုင်နေသူတံမှာ လုပ်လည်း လက်တွေ့မှာ ရုံးကလက်ခံပေးနေပါတယ်။

၅) 住民票(しゅうみんひょう)

– နေထိုင်ကြောင်းထောက်ခံစာဖြစ်ပြီး လက်ရှိနေထိုင်နေတဲ့ ဂျပန်မြို့နယ်ရုံးမှာ ထုတ်ယူနိုင်တယ်။

၆) 在留カード(さいりゅうかーど)

၇) ပတ်စပို့

၈) ဓါတ်ပုံ (ဆိုဒ် 3cm x 2.4 cm)

– မရှိလည်း လိုင်စင်ရုံးမှာ ရိုက်လည်းရနိုင်ပါတယ်။

စာရွက်စာတမ်းကို သေချာပြင်ဆင်ထားဖို့ လိုအပ်တယ်။ တကယ်လို့ စာရွက်စာတမ်းမပြည့်စုံဘူးဆိုရင် တကူးတက လိုင်စင်ရုံးကိုသွားလျှောက်ပေမယ့် ပြန်လာရမယ့်အခြေအနေဖြစ်သွားနိုင်ပါတယ်။

လိုင်စင်ရုံးမှာ လိုင်စင်ပြောင်းလျှောက်ခြင်း

စာရွက်စာတမ်းများ ပြည့်စုံအောင်ပြင်ဆင်ထားတယ်ဆိုရင် ဂျပန်လိုင်စင်ရုံးကို သွားပြီး လိုင်စင်ပြောင်းဖို့ လျှောက်ရမယ်။

ပထမ ဘယ်လိုင်စင်ရုံးကို သွားရမလဲကို စုံစမ်းရပါမယ်။ သွားရမယ့်လိုင်စင်ရုံးက မိမိနေထိုင်နေတဲ့ ခရိုင်မှာရှိတဲ့ လိုင်စင်ရုံးဖြစ်ရမယ်။ တစ်ခြားခရိုင်ရုံးကိုသွားပြီး လိုင်စင်ပြောင်းလို့မရလို့ မိမိနေထိုင်နေတဲ့ မြို့နယ်နဲ့သက်ဆိုင်တဲ့ လိုင်စင်ရုံးကို သေချာစုံစမ်းဖို့ လိုအပ်ပါတယ်။

တကယ်လို့ တိုကျိုမြို့တော်လို့ လိုင်စင်ရုံးက Fuchuလိုင်စင်ရုံး၊ Samezuလိုင်စင်ရုံး၊ Koto လိုင်စင်ရုံးလို ၂ နေရာကျော်ရှိတယ်ဆိုရင် ဘယ်လိုင်စင်ရုံးက ကားမောင်းပြီး လက်တွေ့စစ်ဆေးတာ ပိုလွယ်သလဲကို ကြိုစုံစမ်းသင့်ပါတယ်။ ဥပမာ တိုကျိုမှာဆိုရင် Samezuလိုင်စင်ရုံးထက် Fuchuလိုင်စင်ရုံးက ပိုလွယ်တယ်လို့ ပြောသံကြားရပါတယ်။

လိုင်စင်ရုံးကို ရောက်ကိုရောက်တဲ့အခါ ဂျပန်လိုင်စင်ရုံးကသူက မြန်မာမှာလိုင်စင်ရခဲ့တဲ့အခါ ဘာတွေဖြေခဲ့ရတာလဲကို မေးပါလိမ့်မယ်။ မြန်မာနိုင်ငံမှာလည်း ရေးဖြေဖြေရတယ်၊ လက်တွေ့လည်း ဖြေရတယ်၊ စိတ်ပိုင်းဆိုင်ရာကျန်းမာရေးနဲ့ပတ်သတ်ပြီးလည်းမေးပါတယ် စသဖြင့် မှာတ်မိသလောက် အသေးစိတ်ရှင်းပြရင်အဆင်ပြေမှာပါ။

ပြီးမှာ လိုင်စင်စစ်ဆေးကြေး သွင်းရပါမယ်။

ပိုက်ဆံသွင်းပြီးရင် မျက်စိကို စစ်ဆေးရပါတယ်။ မီးနီ၊မီးစိမ်းမြင်မမြင်၊ ၁၊ င၊ ပ၊ ဂ စသဖြင့်ဖွင့်နေတဲ့နေရာကိုပြောပြရပါတယ်။

အဲဒါပြီးသွားရင်ရေးဖြေစာမေးပွဲ ဖြေရပါတယ်။ ရေးဖြေစာမေးပွဲဆိုပေမယ် စိတ်မပူရပါဘူး ။ အရမ်းလွယ်ပါတယ်။ မေးခွန်းပုံစံက အမှားမှန်မေးခွန်းဖြစ်တယ်။ ၁၀ ပုဒ်မေးပါတယ်။ ၁၀ ပုဒ်မှာ ၇ပုဒ်မှန်ရင် အောင်ပါတယ်။ မြန်မာလိုဖြေလို့ရပါတယ်။

မေးခွန်းက ဥပမာ ဒီနေ့အရက်သောက်လိုက်တယ်၊ ဒါပင်မဲ့လုံးဝမှူးတယ်လို့မခံစားရဘူး။ ထို့ကြောင်ကားမောင်းလို့ရတယ်။

မှန်တယ်

မှားတယ်

အဖြေ- မှားတယ်

ရေဖြေအောင်သွားပါက လက်တွေ့မောင်းဖြေဖြေရန် Booking တင်ရပါတယ်။ တစ်ချို့ လိုင်စင်ရုံးဆိုရင် လနဲ့ချီးပြီးစောင့်ရပါတယ်။ ဥပမာ Fuchuလိုင်စင်ရုံးဆိုရင် နှစ်လလောက်ကြာပါတယ်။ Bookingလုပ်ပြီးရင် လက်တွေ့ဖြေရန်စောင့်ရုံပါပဲ။

လက်တွေ့မောင်းဖြေဖြေပြီး မောင်းဖြေအောင်ရင် အဲဒီနေ့မှာပဲ ဂျပန်ယာဥ်မောင်းလိုင်စင် ရသွားမှာပဲဖြစ်ပါတယ်။

コメントを残す

メールアドレスが公開されることはありません。 が付いている欄は必須項目です